АСТАНА, 27 тамыз – Sputnik. Астанада ядролық технологиялар мен атом энергетикасына арналған KazAtomExpo халықаралық көрмесі ашылды, деп хабарлады Энергетика министрлігінің баспасөз қызметі.
Көрменің ерекшелігі Қазақстанда атом электр станциясын салуға арналған технологияларды жеткізушілер ретінде қарастырылатын әлемдік жетекші компаниялар қатысып жатыр. Олардың қатарында "Қытай ұлттық ядролық корпорациясы" (CNNC), "Кореяның су және ядролық энергетикалық корпорациясы" (KHNP), "Électricité de France" (EDF), сондай-ақ ресейлік "Росатом" мемлекеттік корпорациясы бар.
Астанада KazAtomExpo халықаралық көрмесі ашылды
© Sputnik / Санат Имангалиев
Қазақстанның энергетика министрі Алмасадам Сәтқалиев атом энергетикасы Қазақстан үшін негізгі қуат көзіне айналып, энергетикалық жүйенің тұрақты дамуына ықпал ете алатынын атап өтті.
Министр сондай-ақ атом электр станциясын салу бойынша жоспарланған республикалық референдумды еске салды.
"Ең маңызды міндет – жалпы ұлттық референдум өткізу. Біз әрбір азаматқа өз пікірін білдіріп, энергетикалық жүйеміздің болашақ даму жолын анықтауға мүмкіндік бергіміз келеді. Бұл референдум Қазақстанның атом энергетикасының болашағын айқындаудағы маңызды қадам болмақ", - деді Алмасадам Сәтқалиев.
Министр Қазақстанның алдында атом өнеркәсібінің болашағына және еліміздің бүкіл энергетикалық жүйесінің тұрақты дамуына елеулі әсер ететін таңдау тұрғанын атап өтті.
Астанада KazAtomExpo халықаралық көрмесі ашылды
© Sputnik / Санат Имангалиев
"Бұл таңдау болашақта энергетикалық қауіпсіздік пен тұрақты энергия өндіруді қалай қамтамасыз ететінімізді анықтайды. Әрбір қадам ғылыми деректерге, халықаралық тәжірибеге және тұрақты даму қағидаттарына негізделгені маңызды", - деп түйіндеді министр.