АСТАНА, 8 тамыз – Sputnik. Осы жылдың 7 айында теміржол көлігімен 144 млн тоннадан астам жүк тасымалданды, деп хабарлады "Қазақстан темір жолы" ҰК" АҚ баспасөз қызметі.
Ел ішінде жүктерді теміржол көлігімен тасымалдау 2%, яғни 95,6 млн тоннаға дейін өсті.
"Экспортқа шамамен 49 млн тонна жөнелтілді. 55 млн тоннадан астам тас көмір, 5 млн тоннадан астам астық тиелді", - деп жазылған хабарламада.
Жеті айда мұнай жүктерін тасымалдау 2,5%, яғни 10,9 млн тоннаға дейін, қара металдар 7,5%, яғни 2,6 млн тоннаға дейін, темір және марганец кендері 7,4%, яғни 12,4 млн тоннаға дейін, түсті кен және күкірт шикізаты 12%, яғни 14,3 млн тоннаға дейін өсті.