АСТАНА, 22 шілде - Sputnik. Екі айға жуық уақытқа созылған су тасқыны кезінде қазақстандық гидроқұрылыстар үлкен сынақты бастан өткерді. Олар сынақтан өткенімен, мұқият тексеру жүргізу қажет, деп хабарлады Қазақстанның су ресурстары және ирригация министрлігі.
Қазақстанның төрт облысындағы 13 гидротехникалық құрылысты тексеру үшін жапон сарапшылары шақырылды. Олар қазірдің өзінде Қостанай, Ақмола, Ақтөбе және Абай облыстарында визуалды тексеруді аяқтады.
Министр водного хозяйства и ирригации Казахстана Нуржан Нуржигитов
"Су тасқыны кезінде біздің гидротехникалық құрылыстарымыз қандай да бір апаттарды болдырмай, үлкен көлемдегі судың өтуіне төтеп берді. Біз олардың жай-күйін мұқият зерделеп, ықтимал осалдықтарды анықтап, оларды жою жөнінде алдын ала шаралар қабылдауымыз керек", - деді су ресурстары және ирригация министрі Нұржан Нұржігітов.
Японские эксперты обследуют гидросооружения Казахстана
Нұржігітов Жапонияның Қазақстандағы Елшісі Джун Ямадамен және Жапония Халықаралық ынтымақтастық агенттігінің (JICA) өкілдерімен кездесу барысында аталған ынтымақтастық мәселелерін талқылады.
Сондай-ақ, тараптар су тасқынымен тиімді күресу үшін гидротехникалық құрылыстарды автоматтандыру мен цифрландыру мәселесін талқылады. Атап айтқанда, су жіберу деңгейі мен көлемін анықтау үшін есептегіш қондырғыларды орнату жөнінде сөйлесті.