АСТАНА, 17 шілде – Sputnik. Енді төлқұжат алу кезінде балалардың саусақ ізі алынады. Бұл жаңашылдық Ішкі істер министрлігі әзірлеген дактилоскопиялық және геномдық тіркеуді жүргізудің жаңа ережелерінде қарастырылған.
Құжат 2024 жылдың 30 шілдесіне дейін қоғамдық талқылаудан өту үшін "Ашық НҚА" порталында жарияланды.
Ережеге сәйкес ішкі істер органдары саусақ ізі туралы ақпаратты жинайды:
1.
Қазақстан Республикасы азаматының жеке куәлігін және (немесе) паспортын алуға, сондай-ақ оларды қалпына келтіруге немесе ауыстыруға алғаш рет өтініш білдірген Қазақстан Республикасының азаматтары;2.
осы ереженің 11-тармағында белгіленген тәртіппен Қазақстан Республикасы азаматының паспортын алуға өтініш берген кезде он екі жастан он алты жасқа дейінгі балалар;3.
он алты жасқа толған шетелдіктер мен азаматтығы жоқ адамдар:Қазақстан Республикасында уақытша немесе тұрақты тұруға рұқсат алуға өтініш беру; бірінші рет жүгінген кезде, сондай-ақ қалпына келтіру немесе ауыстыру жағдайларында: шетелдіктің Қазақстан Республикасында тұруға ықтиярхаты; азаматтығы жоқ адамның куәліктері; босқын куәліктері; жол жүру құжаты.