АСТАНА, 15 шілде – Sputnik. Қазақстан үкіметі республикалық бюджетті қаржыландыру мақсатында ұлттық қорға жалпы сомасы 467,4 млрд теңгеге "Қазатомөнеркәсіп" АҚ акцияларын сатып алуға шешім қабылдады, деп хабарлайды ұлттық банк.
Осы шешімді іске асыру мақсатында банк ұлттық қордан шамамен 970 млн АҚШ доллары сомасына шетел валютасын теңгеге айырбастауды жүзеге асырады.
"Операцияның жоспардан тыс сипатын ескере отырып, көрсетілген көлемді қысқа уақыт аралығында сату валюта нарығының теңгерімділігіне елеулі әсер етуі мүмкін. Осыған байланысты Ұлттық Банктің алтын-валюта резервтеріне ұлттық қор активтерін тікелей сату арқылы Ұлттық Банк біржолғы конверсиялық операция жүргізуге ниетті", - делінген ресми хабарламада.
Ұлттық банк доллардың үлкен көлемін бiркелкi сатуды жоспарлап отыр. Осы айдан бастап 4 ай ішінде 970 млн АҚШ доллары сатылады. Осылайша, айына 243 млн АҚШ доллары көлемінде айырбасталады.
Валюта нарығындағы сату көлемі статистикалық ақпаратының шығу кестесіне сәйкес жарияланатын болады.