АЛМАТЫ, 8 шілде – Sputnik. Батыс Қазақстан облысында жол апатынан 4 адам қаза болды, деп хабарлады "Мой город" ақпарат порталы.
Оқиға 7 шілде сағат 22:00 шамасында Орал-Атырау автожолында болған.
"Тайпақ ауылының маңындағы Атырау - Орал тас жолында жол апатынан төрт адам көз жұмды. 4 адам жедел жәрдем келгенге дейін жан тапсырған. Олардан бөлек екі адам жарақат алған", - деп хабарлады облыстық денсаулық сақтау басқармасының баспасөз қызметі.
Олардың бірі – шамамен 50 жастағы ер адам ауруханаға жатудан бас тартты. 1966 жылы туған екінші адам Тайпақ ауылының ауруханасына жеткізілді. Ол тексеріліп, қажетті медициналық көмек көрсетілді. Амбулаториялық ем тағайындалды.