АСТАНА, 4 шілде – Sputnik. Халықаралық жағдай қалай өзгерсе де, ШЫҰ бірлескен және тұрақты қауіпсіздіктің кепілі ретінде қызметін жалғастыруы керек, деді ҚХР төрағасы Си Цзиньпин.
Барлық ел өздерін қауіпсіз сезінуі керек, деді ол Астанадағы ШЫҰ саммитінде.
Қытай басшысы Қытай ШЫҰ төрағасы ретінде лаңкестікке қарсы бірлескен оқу-жаттығулардың ұйымдастырылуын қамтамасыз ететінін айтты.
Шанхай ынтымақтастық ұйымына Қазақстаннан кейін төрағалықты Қытай Халық Республикасы қабылдады. Келесі саммит Астана декларациясында көрсетілгендей 2025 жылы Қытайда өтеді.
"ШЫҰ плюс" форматындағы кездесу Шанхай ынтымақтастық ұйымының 24-ші саммиті аясында өтіп жатыр.
Тақырыбы "Көпжақты диалогты нығайту – тұрақты бейбітшілік пен дамуға ұмтылу". Бұдан бұрын хабарланғандай, ШЫҰ-ға мүше мемлекеттер басшылары кеңесінің отырысы барысында 25 құжатқа қол қойылды, оның ішінде жиынға қатысушылар Астана декларациясын қабылдады.