АСТАНА, 24 маусым – Sputnik. ҰҚШҰ одақ елдері сыртқы істер министрлерінің Алматыда өткен саммитте жасаған мәлімдемесін толық жариялады.
Қазақстан, Ресей, Беларусь, Қырғызстан және Тәжікстанның министрлері Таяу Шығыста ондаған мың бейбіт тұрғынның қаза болуын айыптады.
"Біз Палестина-Израиль қақтығыс аймағында көптеген бейбіт тұрғындардың құрбан болуына, сондай-ақ Таяу Шығыстағы шиеленістің күшеюіне әкеліп соқтырған қазіргі қақтығыстарға үлкен алаңдаушылық білдіреміз. Біз ондаған мың бейбіт тұрғындардың қаза болуына наразымыз, соғыс қимылдарын дереу тоқтатуға, Газа секторының тұрғындарына көмек көрсету үшін гуманитарлық дәліздердің үзіліссіз жұмыс істеуіне және қарулы қақтығыс аймағының кеңею қаупі жағдайында ұстамдылыққа шақырамыз", - делінген хабарламада.