АСТАНА, 10 маусым – Sputnik. Мемлекетке опасыздық жасады деп айыпталып, 18 жылға сотталған ұлттық қауіпсіздік комитетінің бұрынғы басшысы рақымшылық жасау туралы өтініш берген.
Бұл туралы Ұлттық қауіпсіз комитеті Informburo.kz. ресми сауалында мәлімдеді.
"Расында, ол 2024 жылдың наурыз айында осы мекемеден Қазақстан Республикасы президентінің атына кешірім жасау туралы өтініш жолдаған", - деп хабарлады ҰҚК.
Қазір Кәрім Мәсімов Сыбайлас жемқорлыққа қарсы іс-қимыл агенттігінің қаулысы негізінде Астанадағы Ұлттық қауіпсіздік комитетінің тергеу изоляторында отыр.
Кәрім Мәсімов 2022 жылғы қаңтар оқиғасы кезінде ұсталды. Кәрім Мәсімов Қылмыстық кодекстің175-бабының 1-бөлігі, 179-бабының 3-бөлігі, 362-бабының 4-бөлігі 3-тармағы бойынша кінәлі деп танылды. Жазаны ішінара қосу арқылы 18 жылға бас бостандығынан айыру, мүлкі тәркіленіп, өмір бойы мемлекеттік қызметте қызмет атқару құқығынан айыру жазасы тағайындалды.