АСТАНА, 4 маусым – Sputnik. Қаржылық мониторинг агенттігінің қызметкері мемлекеттік құпияларды жария еткені үшін сотталды, деп хабарлады Бас көлік прокуратурасы.
"Шымкент қаласының қылмыстық істер жөніндегі ауданаралық сотының үкімімен ҚР Қылмыстық кодексінің 185-бабы 3-бөлігі (мемлекеттік құпияларды заңсыз жария ету) бойынша азамат К. 5 жылға бас бостандығынан айырылды", - деп жазылған хабарламада.
Қадағалаушы орган бұл қылмыс мемлекеттің қауіпсіздігіне қатер төндіретін ең ауыр қылмыстардың бірі ретінде сараланғанын атап өтті.
"Сот барысында прокурор қызметкердің құпия ақпаратты үшінші тұлғаларға бір жыл бойы бергені туралы сенімді дәлелдер келтірді", - деп атап өтті прокуратура.
Үкім заңды күшіне енді.