АСТАНА, 22 мамыр — Sputnik. Қазақстанда Каспий итбалығының популяциясын сақтау үшін мемлекеттік табиғи резерват құрылады.
Резерват құру туралы қаулы жобасын ауыл шаруашылығы министрлігі әзірледі.
Ол Каспий теңізінің акваториясында – Қазақстанның Маңғыстау және Атырау облыстарының аумағында орналасады. Қорықтың жалпы ауданы – 109 558,04 га, күзет аймағының ауданы –69 839,62 га.
Балық шаруашылығы комитетіне мемлекеттік табиғи-қорық қоры жерлерінің шекарасын белгілеу тапсырылды.
Каспий итбалығы сирек кездесетін және жойылып кету қаупі төнген өсімдіктер мен жануарлар түрлерінің тізіміне енгізілген, деп түсіндірді ауыл шаруашылығы министрлігі.
Ведомствоның мәліметінше, бұл түрлердің биологиялық ерекшелігі – олардың мекендеу ортасының маусымдық өзгеруінде. Бұл ретте Каспий итбалықтарын өсіру үшін Солтүстік Каспий теңізінің қазақстандық және ресейлік секторларында ғана қалыптасатын мұз жамылғысы қажет. Осылайша, Каспий теңізінің қазақстандық бөлігі бұл түрді сақтауда маңызды рөл атқарады.