АСТАНА, 13 сәуір – Sputnik. Германия канцлері Олаф Шольц уақыты келгенде Ресей президенті Владимир Путинмен келіссөз өткізетінін айтты.
"Мен Путинмен бұған дейін бірнеше рет сөйлестім. Оған көбі сын көзбен қарады. Алдағы уақытта келіссөздердің жалғасуын жоққа шығармаймын", - деді ол Tageszeitung басылымына берген сұхбатында.
Журналистің мұндай диалог қашан болуы мүмкін деген нақтылау сұрағына Шольц жалпыламажауап берді.
"Уақыты келгенде. Ресей күштеп бейбітшілік орнатуға болмайтынын түсінгенде. Путин өзінің шешіміненбас тартып, әскерін шығару керек екенін түсінгенде болады", - деді канцлер.
Шольц Германия Киевке қару-жарақ жеткізуді жалғастыратынын баса айтты.
"Мен әрқашан Ресей бұл соғыста жеңіске жетпеуі керек деп айтып келемін. Бұл соғыстың қысқа болмайтыны әп-сәтте белгілі болды. Біз Украинаны ұзақ уақыт бойы қару-жарақ пен оқ-дәрімен қамтамасыз етуіміз керек", - деді ол.