АСТАНА, 28 наурыз – Sputnik. Ауа райының қолайсыздығына байланысты әуе рейстері кешіктіріліп жатыр, деп хабарлады Алматы халықаралық әуежайы.
"Қолайсыз ауа райына (жаңбыр, дауыл, 30 м/с дейін екпінді жел) байланысты рейстер кешіктіріліп жатыр. Түсіністікпен қарауды сұраймыз", - деп жазылған әуежайдың баспасөз қызметі таратқан ақпаратта.
Әуежайдың барлық қызметі 24/7 күшейтілген режимде жұмыс істеп жатыр.
Еске сала кетейік, Алматыны шаңды дауыл басып, артынан найзағай ойнап, жаңбыр жауды
Қалада ұзын-сонар кептеліс пайда болды.
Көліктің үстіне ағаш құлады
© Sputnik/Ертай Сарбасов
Қатты жел ағаштарды құлатты. Сондай жағдайдың бірін Sputnik Қазақстан фототілшісі түсіріп алды.
ТЖ департаменті күшейтілген режимге, жоғары дайындық жағдайына көшті, деп хабарлады ведомство.