АСТАНА, 20 наурыз – Sputnik. Шығыс Қазақстан облысының таулы жерлерінде 20-25 наурыз аралығында қар көшкіні жүру қаупі бар.
"Метеорологиялық жағдайдың өзгеруіне, күннің күрт жылуына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте, тұрғындарға барынша абай болуды, мейрам күндері ешбір жағдайда тауға шықпау қажеттігін ескертеміз", - делінген хабарламада.
Сондай-ақ құтқарушылар өңір жұртшылығына алыс сапарға шығар алдында жолдардың жай-күйін "Дәрмен" мобильді қосымшасы арқылы тексеріп отыруға кеңес берді.
"Егер қандай да бір қиындыққа тап болсаңыздар бірден "112" нөміріне қоңырау шалыңыз",-деп хабарлады ведомстово.