АЛМАТЫ, 11 наурыз - Sputnik. Қазақстан 180 ел арасында депрессияның таралу деңгейі бойынша 93-ші орынды иеленді, деп хабарлайды Ranking.kz.
Sountrycassette халықаралық тәуелсіз онлайн-журналының деректері бойынша, қазақстандықтардың 4,4%-і депрессиядан зардап шегеді. Әлемдік көрсеткіш айтарлықтай аз: 3,9%. Депрессияға ұшыраған қазақстандықтардың саны 732,7 мың адам.
Депрессияның таралу деңгейі бойынша бестіктің қатарына Украина, сосын АҚШ, Австралия және Эстония кіреді. Қазақстанға жақын елдердің ішінен халқының 5,5%-і депрессиядан зардап шеккен - Ресей мемлекеті. Өзбекстанда, Қырғызстанда, Тәжікстанда психикалық денсаулықтың бұл көрсеткіші 4,2%-тен 3,8%-ке дейін төмен. Ал ең аз күйзеліске түсетіндер - Арал мемлекеттерінің тұрғындары.
Айта кету керек, еліміздің психиатриялық ауруханалары көрсеткен қызметтер көлемі өткен жылы бірден 29,7%-ке өсті. Егер 2022 жылы осындай мамандандырылған медициналық мекемелер 42,4 млрд теңгеге қызмет көрсетсе (төрт тоқсандағы жиынтық деректер), 2023 жылы бұл сома 54,9 млрд теңгеден асты. Қаражаттың негізгі көзі - бюджет. Ал жеке психологтар көрсеткен қызметтердің көлемі туралы деректер қолжетімді емес.
Соңғы жылдары Қазақстанда өз-өзіне қол жұмсау деңгейі өзгеріссіз. Жылына 3,5 мыңнан 4 мыңға дейін адам өз еркімен өмірден кетеді. Өткен жылдың 12 айында ҚР-да 3,7 мыңға жуық адам өз-өзіне қол жұмсады, оның 234-і кәмелетке толмаған.
ҚР Бас прокуратурасы құқықтық статистика және арнайы есепке алу комитетінің есептерінде 3,7 мың адамның 99-ы психиканың ауыр жағдайында қаза тапқаны көрсетілген. 2022 жылы мұндай суицидтердің саны 106-дан сәл көп болды.