Қарағанды облысында өрттен төрт бала көз жұмды

АСТАНА, 23 ақпан - Sputnik. Қарқаралы ауданы Аманжолов ауылындағы жер үйден өрт шығып қараусыз қалған төрт бала көз жұмды.

Қайғылы оқиға 23 ақпанда кешкі сағат 18.00 шамасында болған.

Алдын ала мәлімет, ата-аналары көршілеріне кеткен. Патриот Қарағанды басылымының хабарлауынша, өрт сөндірушлер үйден 4, 3, 2 жастағы үш ұлдың және бір қыздың денесін алып шықты. Қыздың жасы нақтылануда.

Қазір қайғыдан қан жұтқан ата-анаға психологтар көмектесіп жатыр. Балалардың қанша уақыт қараусыз қалғанын полиция анықтайды.

Болжам бойынша өрт пештен шығуы мүмкін. Өрт орнында өртке қарсы қызмет пен полиция жұмыс істеді.