АЛМАТЫ, 1 қаңтар - Sputnik. Жаңа жыл қарсаңында республиканың перзентханаларында 191 сәби, 101 ұл және 90 қыз дүниеге келді, деп хабарлады денсаулық сақтау министрлігінің баспасөз қызметі.
Жаңа туған нәрестелер саны бойынша Түркістан облысы көшбастап тұр, екінші орында Шымкент қаласы, үшінші орында Алматы тұр. Ал Астанада Жаңа жыл қарсаңында 10 бала дүниеге келді.
Бұған дейін еңбек және халықты әлеуметтік қорғау министрлігі 2050 жылға қарай Қазақстан халқы шамамен 27,5 млн адамға жетеді деп болжаған болатын.
"Жалпы алғанда, 2050 жылға қарай республика халқы шамамен 27,5 млн адам болады деген болжам юар, олардың үштен екісі мегаполистер мен оңтүстік өңірлерде тұратын болады", – деп хабарлады ведомстводан.
2026 жылға қарай Қазақстанда жұмыс күшінің саны 9,5 млн адамға жетеді, 2028 жылдан бастап белсенді өсе бастайды және 2050 жылға қарай 12 млн адамға жетеді.
"Бұл ретте Солтүстік Қазақстан облысында жұмыс күші 45%-ке дейін қысқару қаупі бар. Бұл тізіміге: Қостанай (-29 пайыз), Абай (-25 пайыз), Павлодар (-24 пайыз) облыстары кіреді", - деді МДР болжау және зерттеу департаментінің директоры Дмитрий Шумеков.
2050 жылға қарай еңбекке қабілетті жастан кіші немесе одан үлкен популяциялардың тез өсуіне байланысты еңбекке қабілетті жастағы халықтың үлесі 59 %-тен 57%-ке дейін аздап төмендейді.