АСТАНА, 2 желтоқсан – Sputnik. Ресейлік десантшылар Херсон облысында Днепр өзенінің оң жағалауында Украинаның қарулы күштерінің жеке құрамын жойып жіберді, деп хабарлайды РИА Новости Ресейдің қорғаныс министрлігіне сілтеме жасап.
Ресми мәліметке сәйкес, десантшылардың ұшқышсыз барлау аппараттары Днепрдың оң жағалауында украиндық әскерилердің жүзу құралдарын анықтады. Оған жеке құрам отырып жатқан. Барлығы өзеннің сол жағалауына өтіп кетпекші болды.
"Анықталған нысаналарды жою үшін әуе-десанттық әскерге қарасты құраманың басшылығы "Ланцет" атты барраждау оқ-дәрісін қолдануға шешім қабылдады. Операторлар барлық нысананы жойды. Соның ішінде бірнеше моторлы қайық, жүк көлігі, сондай-ақ, жеке құрамның біраз бөлігі мен басқа да құралдар бар", - делінген ресми хабарламада.
Операторлар ұшқышсыз аппараттарды қашықтан өздері басқарып отырды. Бұдан бөлек, ресейлік әскердің "Батыс" тобы Купянск бағытында бірнеше нысананы жойды. Оларға авиация мен артиллерия да көмектесті. Украина қарулы күштерінің шығыны бір ротадан асты. Дәл осы бағытта жасырылған бекініс пункті де жойылды.
"Батыс" әскери тобының барлаушылары ұшқышсыз аппараттардың көмегімен жаудың бекіністерін анықтады. Координаттар бірден танкілерге қарсы "Рапира" зеңбірегінің 100-ші есебіне жіберілді. Зеңбірекшілер дүркіндетіп оқ атты. Соның нәтижесінде жасырылған бекініс пункті жойылды", - дейді топтың баспасөз қызметі бастығы Сергей Зыбинский.