АСТАНА, 10 қазан – Sputnik. Тель Авивтен қазақстандықтарды алып қайтатын Air Astana ұшағы Астана уақытымен бүгін таңғы 08.00 кезінде Алматыдан ұшып кетті, деп хабарлайды әуе компаниясының баспасөз қызметі.
Қазақстандықтарды мінгізіп, кері қайтатын рейс жергілікті уақытпен бүгін түнгі 23.45 шамасында Алматыға қонады.
Еске сала кетейік, кеше Қазақстанның Израильдегі өз азаматтарын эвакуациялайтынын хабарлаған едік.