АСТАНА, 9 қыркүйек – Sputnik. Қарағанды облысындағы Сарышаған полигонында ТМД-ға мүше елдердің Біріккен Әуе шабуылына қарсы қорғаныс жүйесінің күштері мен құралдарының "Жауынгерлік достастық-2023" оқу-жаттығулары басталды, деп хабарлайды Sputnik Қазақстан қорғаныс министрлігінің ресми сайтына сілтеме жасап.
Оған қазақстандық күштер мен әуе шабуылына қарсы қорғаныс құралдарынан басқа Қырғызстан Қарулы күштерінің әскери контингенттері де қатысып жатыр. Зениттік-зымырандық кешендердің жауынгерлік есептоптары оқу-жауынгерлік міндеттерді орындауға кірісті.
Жаттығудың белсенді кезеңі 14-15 қыркүйекте өтеді Сол кезде Қырғызстанның әскерилері "Печора 2БМ" мобильді зениттік-зымыран кешенінен іс жүзінде оқ атуды орындайды. Ол қысқа және орта қашықтықтағы ұшатын және ұшқышсыз басқарылатын әуе шабуылын жоюға арналған.
Оқу-жаттығудың белсенді кезеңін Армения, Қырғызстан, Ресей және Өзбекстанның қорғаныс ведомстволары мен ӘШҚҚ әскерлерінің өкілдері бақылайды.