АСТАНА, 25 тамыз – Sputnik. Астанада Тәжікстанның мәдениет күндері аясында ұлы ғалым әрі ойшыл Әбу Әли Ибн Синаның ескерткіші салтанатты түрде ашылды, деп хабарлайды мәдениет және спорт министрлігінің баспасөз қызметі.
Астанада Ибн Синаның ескерткіші ашылды
© Photo : ҚР Мәдениет және спорт министрлігінің баспасөз қызметі
Салтанатты рәсімге Қазақстанның мәдениет және спорт министрі Асхат Оралов, Тәжікстан мәдениет министрі Зульфия Давлатзода, сондай-ақ Астана әкімдігінің өкілдері, Қазақстан мен Тәжікстанның шығармашылық зиялы қауым өкілдері қатысты.
"Бүгін елдеріміздің арасында екіжақты қатынастар тарихындағы өте маңызды күн. Ибн Сина – бүкіл Орталық Азияның мақтанышы, сондықтан бұл ескерткіш біздің елдеріміз арасындағы терең тарихи байланысты көрсетеді", - деді Асхат Оралов.
Ескерткіш Алматы ауданындағы А. Храпатый көшесі, 9 жанындағы саябақта орнатылған. Қола бюсті тәжік шеберлері жасаған, ал гранитті тұғырды елорда әкімдігі ұсынған. Ескерткіштің биіктігі – 3,1 метр.
Астанада Ибн Синаның ескерткіші ашылды
© Photo : ҚР Мәдениет және спорт министрлігінің баспасө қызметі
Министрдің айтуынша, монументтің ашылуы – Қазақстандағы Тәжікстанның мәдениет күндері аясында өтетін іс-шаралардың бірі. Астана, Алматы және Шымкент қалаларында кино көрсетілімдері, концерттер мен көрмелер өтіп жатыр. Ауыл шаруашылығы жәрмеңкелерін де өткізу жоспарланған.
Астанада Ибн Синаның ескерткіші ашылды
© Photo : ҚР Мәдениет және спорт министрлігінің баспасөз қызметі