АСТАНА, 22 тамыз – Sputnik. Еңбек және халықты әлеуметтік қорғау министрлігі Қазақстанда ресми түрде тіркелген шетелдік жұмысшылардың санын жариялады, деп хабарлайды Sputnik Қазақстан.
Бүгінде шетел жұмыс күшін тартуға рұқсат қағаздар нақты саны мен санатына қарай беріледі:
басшылар мен олардың орынбасарлары (551);
құрылымдық бөлімшелердің басшылары (2 751);
мамандар (6 452);
білікті жұмысшылар (745).
Сондай-ақ маусымдық жұмыстарға 1 970 адам, ал корпоративтік ауыстыру аясында 2 233 адам тартылды.
"2023 жылғы 1 тамыздағы жағдай бойынша жергілікті атқарушы органдардың рұқсатымен Қазақстан аумағында 14 702 шетел азаматы жұмыс істейдіі", - дейді министрлік мамандары.
Қазақстанда шетелдік жұмыс күшін пайдаланатын 1 751 жұмыс беруші бар. Оларда 433,4 мыңнан астам Қазақстан азаматы жұмыс істейді, бұл - барлық қызметкердің 96 проценті.
Экономикалық қызмет түрлері:
құрылыс саласы – 5 181 адам (35%);
ауыл, орман және балық шаруашылығы – 1 919 адам (13%);
тау – кен өнеркәсібі және карьерлерді қазу – 1 340 адам (9%);
өңдеу өнеркәсібі – 1 147 адам (8%);
кәсіби, ғылыми және техникалық қызмет – 829 адам (6% );
Еңбек мигранттары Қытай (3 768 адам), Өзбекстан (2016 адам, Түркия (1 411 адам) мен Үндістаннан (1 391 адам) көп келеді.
Айта кетері, 2023 жылы жалпы квота республикадағы жұмыс күшінің санына қатысты 0,24% немесе 22 260 бірлік мөлшерінде белгіленді.