АСТАНА, 15 тамыз – Sputnik. Мемлекет басшысы Қасым-Жомарт Тоқаев Үндістанның Тәуелсіздік күніне орай құттықтау жеделхатын жолдады, деп хабарлады Ақорда.
"Қасым-Жомарт Тоқаев Үндістанның Тәуелсіздік күніне орай елдің премьер-министрі Нарендра Модиге құттықтау жеделхатын жолдап, ізгі тілектерін жеткізді", - деп жазылған хабарламада.
Президент Қазақстан мен Үндістанды ұзақ жылдар бойы қалыптасқан стратегиялық серіктестік қатынастар байланыстыратынын атап өтіп, екі елдің мүддесі үшін көпжақты ынтымақтастықты одан әрі дамытуға ниетті екенін айтты.