АСТАНА, 19 шілде - Sputnik. Қазақстанның басым бөлігі атмосфералық ауа ағындарының ықпалында болады. Соған байланысты күн күркіреп, жаңбыр мен бұршақ жауады. Қатты жел соғады.
Елдің солтүстік-батысында, солтүстігінде, шығысында және оңтүстік-шығыстың таулы аудандарында нөсер жауын жауады.
Синоптиктердің болжамынша, 21 шілдеден бастап елдің батысында солтүстік-батыс антициклонына байланысты жауын-шашын тоқтайды. Ауа температурасы түнде Қазақстанның солтүстік, шығыс және орталық өңірлерінде 10-18 градус жылы болады.