АЛМАТЫ, 18 шілде - Sputnik. Қарағандыда жазасын өтеп жүрген сотталушы медициналық мекемеден қашып кетті, деп хабарлайды Polisia.kz.
Сотталушы 18 шілдеге қараған түні медициналық мекемеден қашып кеткен.
"Ол – 35 жастағы Батыс Қазақстан облысының тумасы, ауыр қылмыс жасағаны үшін сотталған. Сотталушыны табу үшін Қарағанды полициясы гарнизонының жеке құрамына бағыттама берілді", - дейді ведомство.
Сотталушы толық денелі, бойы 165 см, шашы қара. Үстінде ақ футболка, қара аяқ киім, қара шалбар және басында қара кепка болған.
"Осы адамға ұқсас азаматты көргендер болса 102 нөмеріне хабарласуларыңызды сұраймыз. Полиция облыс тұрғындарынан өткізіліп жатқан іс-шараларға түсіністікпен қарауын сұрайды", - деп мәлімдеді полиция.