АСТАНА, 16 шілде – Sputnik. Шымкент қаласында құрылысы бітпеген екі қабатты тұрғын үйдің шатыры отқа оранды, деп хабарлайды қалалық төтенше жағдайлар департаменті.
15 шілде күні сағат 15:45-те өрт сөндіру қызметіне Тұран ауданындағы Қазыбек би көшесінде құрылысы бітпеген тұрғын үйдің шатыры жанып жатқаны туралы хабарлама түсті. Оқиға орнына 13 көлік пен 47 адам жіберілді. Шатырдағы өрт екі сағаттың ішінде оқшауланды. Ал бір сағаттан кейін толығымен сөндірілді.
Қазіргі кезде өрттің шығу себептері анықталып жатыр. Қайтыс болғандар мен зардап шеккендер жоқ.