АСТАНА, 11 шілде – Sputnik. Қазақстандық банкноттарға Ұлттық банк төрағасының қолы қойылуы мүмкін.
"Ұлттық валюта – Қазақстан теңгесі банкноттары мен
монеталары дизайнының тұжырымдамасын бекіту туралы" жарлыққа осындай өзгеріс енгізу ұсынылып отыр. Тиісті құжат "Ашық НҚА" порталында жарияланды.
монеталары дизайнының тұжырымдамасын бекіту туралы" жарлыққа осындай өзгеріс енгізу ұсынылып отыр. Тиісті құжат "Ашық НҚА" порталында жарияланды.
Атап айтқанда банкноттардың дизайны Қазақстан Республикасы Ұлттық банкі төрағасының қолы түріндегі жаңа элементпен толықтырылады.
Сонымен қатар банкноттарда жалған ақша жасағаны үшін жауаптылық көзделгені туралы ескерту пайда болады.
"Мұндай жаңашылдық тұтынушы алдында шығарылған банкноттардың түпнұсқалығына кепілдік беру функциясын күшейту мақсатында енгізіліп отыр. Бұл практика бірқатар елде, атап айтқанда, Еуропалық одақта, сондай-ақ Англияда, АҚШ пен Сингапурда қолданылады", - делінген негіздемеде.
Жарлық жобасы 24 шілдеге дейін қоғам талқысына шығарылды.
Еске салсақ, 2016 жылдан бастап теңгеге Ұлттық банк төрағасының қолы қойылмайды.