АСТАНА, 18 маусым — Sputnik. Кәсіби келіссөз жүргізушілер Kaspi Bank-те адамдарды кепілге алған ер адаммен келіссөздер жүргізіп жатыр, деп хабарлайды ішкі істер министрлігінің баспасөз баспасөз қызметі.
Ол шамамен 7 адамды кепілге алған.
"Адамдарды тұтқынға алған ер адам полицейдің бронь кеудешесін киіп алғаны туралы ақпарат шындыққа жанаспайды. Сондай-ақ, оқиға орнында "Арлан"арнайы жасағының қызметкерлері жұмыс істеп жатқанын хабарлаймыз. Әскери қызметшілер арнайы операцияға тартылған жоқ", - делінген полиция хабарламасында.
Айта кетейік, Астанада Достық көшесіндегі Каспий банктің ғимаратында ер адам мекемеге келушілермен бірге ішінен есікті құлыптап алып, тұрғындарды кепілге алған болатын.
Кейіннен банктің бапасөз қызметі жасаған мәлімдемеде көрсетілгендей, бөлімшеде тек банк қызметкерлері ғана бар, бөлімше ішінде клиенттер жоқ.