АСТАНА, 11 маусым – Sputnik. Halyk Bank Абай облысында өрттен қаза тапқан орман шаруашылығы қызметкерлерінің отбасыларына қаржылай көмек көрсетеді, деп хабарлайды банктің баспасөз қызметі.
"Абай облысында өртті сөндіру кезінде қаза тапқандардың отбасыларына Halyk-тан 3 миллион теңгеден беріледі. Сонымен қатар өрттен қаза тапқан азаматтардың және олардың отбасы мүшелерінің Halyk Bank-тегі несиелері есептен шығарылады", - делінген хабарламада.
Банк басшылығы марқұмдардың жақындарына көңіл айтты.
Еске салсақ, Семей орманындағы алапат өрттен 14 орманшы қаза тапты. Олар өз учаскесінде өртті сөндіруге шыққан.
11 маусым күні президент Қасым-Жомарт Тоқаев Абай облысына ұшып барды.