АСТАНА, 7 маусым – Sputnik. 2023 жылдың сәуір-мамыр айлары аралығында Ұлттық қауіпсіздік қызметі, полиция және прокуратура органдары Қазақстан аумағында 42 қару, 8 граната, танкке қарсы 2 снаряд, 4 мың түрлі калибрлі оқ-дәрі тәркіледі.
Ұлттық қауіпсіздік қызметінің хабарлауынша, сонымен қатар күш құрылымдары оқ өткізбейтін кеудешелер, автомат оқжатарларын, радиостанциялар мен пышақтар тапты.
Табылған қарулардың біразы қаңтардағы тәртіпсіздік кезінде ұрланған.
Аталған фактілер бойынша сотқа дейінгі тергеу амалдары жүргізіліп жатыр.