АСТАНА, 7 маусым – Sputnik. Астанадағы Алматы ауданының әкімдігі "Браво" тұрғын үй кешенін сумен қамту жағдайына қатысты түсініктеме берді.
Кеше Астанадағы "Браво" тұрғын үй кешенінің тұрғындары су тапшылығына қатысты наразылық білдіріп, Нәжімеденов көшесінің бойындағы жолды жауып тастады. Оларға көрші үйлердің тұрғындары қосылды. Тұрғындар Астанада 37 градус ыстық болған кезде пәтерлерге су түнде бірнеше сағатқа ғана беріліп жатқанын айтып шағымданды.
Алматы ауданының әкімдігі "Браво" тұрғын үй кешені мен Нәжімеденов, 16А тұрғын үй кешенінің су желілерін Sat NS құрылыс жүргізуші ұйымы "Астана су арнасы" мекемесінің теңгеріміне әлі өткізбегенін хабарлады.
"Қазіргі уақытта құрылыс компаниясына су құбыры желілерін сәйкесінше дәнекерлеу бойынша қосымша жұмыстарды жүргізу қажет. Жұмыстар 1-2 күн ішінде жүргізіледі деп жоспарланып отыр", - деді әкімдіктегілер.
Аудан әкімі мен "Астана су арнасының" өкілдері тұрғындар жиналған жерге барып, мәселені бақылауға алды.