АСТАНА, 23 мамыр – Sputnik. Дәрігер танымал сусынның жұрт біле бермейтін пайдалы қасиеттері туралы айтты, деп хабарлады Lenta.ru.
Диетологтың айтуынша, шай жапырақтарында танин мол. Бұл зат бактерицидтік, қабынуға қарсы әсерге ие және жараның тез жазылуына ықпал етеді.
Сондай-ақ шай қан қысымын қалыпты деңгейде ұстап тұрады, деп есептейдісарапшы.
Шайдың құрамындағы катехиндер деп аталатын органикалық зат қан кетудің алдын аладыжәне қан тамырларының қабырғасын нығайтады, ал Р дәруменіқан қысымын қалыпты ұстауға көмектеседі.
Дәрігер танымал сусынның ісінумен және аллергиямен күресуге көмектесетінін атап өтті.
"Сонымен қатар шайдың құрамында полифенольды қоспалардың жоғары болуына байланысты ол күшті антиоксидант ретінде жұмыс істейді және нәтижесінде жастықты ұзартуға көмектеседі", - деп түсіндірді диетолог.
Ол бұл сусынның несеп айдайтын әсері бар екенін еске түсірді.
"Сондықтан мөлшерді сақтау маңызды, өйткені ол ағзадағы зиянды заттарды ғана емес, сонымен бірге кальций сияқты пайдалы заттарды да "шайып" кетеді. Шай сонымен қатар асқазан қышқылын өндіруді арттырады, бұл асқазан-ішек жолдарының аурулары асқынған кезде өте қауіпті", - деп түйіндеді сарапшы.