АСТАНА, 25 сәуір – Sputnik. Маңғыстау облысында 2-3 балдық жер сілкінісі болды.
"СТӘЭ" ЖШС сейсмикалық станциялар желісі 25 ақпан Алматы уақытымен сағат 13:24-те жер сілкінісін тіркеді.
Жер сілкінісінің эпицентрі Қазақстан аумағында, Алматы қаласынан солтүстік-батысқа қарай 1981 шақырым жерде орналасқан. Магнитудасы MPV 5.4.
Энергетикалық класы – 11.3, тереңдігі – 10 шақырым.
"МSК-64 шкаласы бойынша Маңғыстау облысының Қызан және Тұщықұдық ауылдарында 2-3 балдық жер сілкінісі сезілді", - делінген хабарламада.
Сонымен қатар жергілікті lada.kz басылымы Ақтау қаласында да жер сілкінгенін хабарлады. Әртүрлі шағын аудандардың тұрғындары жерасты дүмпулерін сезгенін жазып жатыр.