АСТАНА, 24 сәуір – Sputnik. Маңғыстау облысында екі тұрғын үрлемелі қайықпен балық аулауға шығып, жағаға қайта алмай қалған, деп хабарлайды Маңғыстау облысы ТЖ департаментінің баспасөз қызметі.
Оқиға 23 сәуірде болған.
Құтқарушылар оларды Каспий теңізінен 15 шақырым жерде, Түпқараған ауданы Қызылөзен ауылынан 20 шақырым жерде орналасқан Саура шатқалынан тапты.
"Маңғыстау облысының Жедел-құтқару жасағының құтқарушылары Шекара қызметінің әскери қызметшілерімен бірлесіп 1983, 1984 жылы туған екі азаматты құтқарды, олар үрлемелі қайықпен балық аулауға шығып, жағалауға қайта алмай қалған. Медициналық көмекке мұқтаж емес", - деп хабарлады Маңғыстау облысы ТЖД.
Құтқару операциясына ТЖ департаментінің тоғыз қызметкері, шекара қызметінің қызметкерлері, үш жүзу құралы және екі техника жұмылдырылды.