АСТАНА, 18 сәуір – Sputnik. Теннистен Қазақстан әйелдер құрамасы Billie Jean King Cup кубогының жаңартылған рейтингінде 10-шы орыннан жетінші орынға көтерілді.
Бұл - біздің әйелдер құрамасының тарихындағы ең жоғары көрсеткіш.
Швейцария құрамасы, яғни Billie Jean King Cup кубогының қазіргі чемпионы әлемдік рейтингтің көшбасшысы.
Еске салсақ, қазақстандық әйелдер командалық әлем чемпионатының іріктеу кезеңінде өз алаңында Польшаны 3:1 есебімен жеңіп, биыл қарашада өтетін турнирдің финалдық кезеңіне өткен болатын.