АСТАНА, 18 сәуір – Sputnik. Қарағандыда ер адам эскалаторда келе жатып, алдында тұрған адамды арқасынан теуіп жіберді. Ол төмен құлап, есінен танып қалған.
Оқиға City Mall сауда үйінде болған.
Полицейлер видеоны зерттеп, 31 жастағы күдіктіні ұстады. Енді құқықбұзушы психоневрологиялық диспансерде емделеді.
"Қарағанды қаласының 25 жастағы тұрғынының денсаулығына зиян келтіру фактісі бойынша Қылмыстық кодекстің 293-бабына сәйкес ("Бұзақылық") қылмыстық іс қозғалды", - деді полиция "Патриотқа".
Полицейлер жәбірленушінің қандай жарақат алғанын нақтыламады.