АСТАНА, 14 сәуір – Sputnik. Жаңатас қаласындағы "Казфосфат" Қаратау тау-кен комбинатының қызметкерлері арасында туындаған еңбек дауына байланысты өтініштерді зерделеу және оларды қысқа мерзімде шешу мүмкіндігін қарастыру үшін комиссия құрылды.
Комиссия құрамына комбинат басшылығы, кәсіподақ ұйымының өкілдері, сондай-ақ кәсіпорынның жұмысшылары кірді, деп хабарлады "Казфосфат" компаниясының баспасөз қызметі.
Келіссөздер нәтижесінде тараптар сындарлы келісімге келді. Бүгінгі таңда "Казфосфат" компаниясының барлық кәсіпорны штаттық режимде жұмыс істеп жатыр.
Компания 2023 жылдың қаңтарында "Казфосфат" компаниясы қызметкерлердің жалақысын көтергенін атап өтті. 2023 жылдың шілдесіне қарай еңбекақы сомасын қайта арттыру жоспарланып отыр.
"Казфосфат" әлеуметтік желілердің пайдаланушыларын тек ресми ақпаратқа сенуге және жалған ақпарат таратпауға шақырды.