АЛМАТЫ, 30 наурыз – Sputnik. Көкшетау қаласында студенттер дәмхана мәзірінен уланып қалған, деп хабарлайды облыстық денсаулық сақтау басқармасының баспасөз қызметі.
Басқарманың айтуынша, студенттердің барлығы жеке амбулаторияға жүгінген.
"Студенттер тіркеуде тұрған медициналық мекемелеріне жүгінді. Стационарлық ем қабылдаудан бас тартты", - дейді ведомство.
Ал нақты қай дәмханадан уланғаны туралы айтудан денсаулық сақтау басқармасы бас тартты.
Ал полиция департаменті студенттердің жаппай улану фактісі бойынша сотқа дейінгі тергеуді бастады.
"29 наурызда Көкшетау қаласының полиция басқармасына облыс орталығының дәмханаларының бірінде колледждің 17 студенті уланғаны туралы Ақмола облысының санитарлық-эпидемиологиялық бақылау департаментінен арыз түсті. Кешкі астан кейін жастар жүрек айну, құсу және іш өту қолайсыздықтарына шағымдана бастаған. Санитарлық қызмет ауруға себеп болған бірқатар санитарлық ережелердің бұзушылықтарын анықтады", - деп мәлімдеді облыстық ПД баспасөз өызметі.
Полиция басқармасы дәмхана иесіне қатысты "санитарлық ережелерді бұзу" бабымен сотқа дейінгі тергеуді бастады.