АСТАНА, 26 наурыз – Sputnik. Түркістанда 11 жастағы қызды іздестіру шаралары басталды. Оған тәжірибелі полицейлер тартылып отыр, деп хабарлайды Sputnik Қазақстан ішкі істер министрлігінің Telegram-арнасына сілтеме жасап.
Түркістанда оқушы қыз жоғалып кетті
© Photo : Polisia.kz
Анасының айтуынша, Інжу 25 наурыз күні сағат 17:00-дің шамасында үйден ойнауға шыққан. Бірақ қайтып келмеді. Қазіргі кезде кәмелетке толмаған қыз туралы ақпарат пен суреті барлық полиция бөліміне жіберілді.
Полицейлер жасөспірімнің баруы мүмкін жерлерді мұқият тексеріп, оның таныстарымен сөйлесті. Сондай-ақ, ойын-сауық орындары мен саябақтарды тексеріп жатыр.
Інжу 2012 жылы туған
© Photo : Polisia.kz
Інжу 2012 жылы туған. Бойы 130-135 см, шашы ұзын қара-қоңыр түсті. Үстінде жейде, қара джинса шалбар, аяғында қара түсті спорттық аяқкиім болған.
Полицейлер жасөспірімді көрген адамдарды 8-725-33-97-40-94, 8-747-497-42-24, 8-701-480-78-88 нөмірлеріне немесе 102 арнасына хабар беруді сұрайды.