АСТАНА, 25 наурыз – Sputnik. Түркістанда "Отбасы" саябағы ашылды.
"Түркістан қаласының әкімі Нұрбол Тұрашбековпен кездесуінде Яссы секторының тұрғындары осындай өтініш жасаған. Жұмыс жүргізіліп, бұл секторда саябақ салынды", - деп хабарлады облыс әкімінің баспасөз қызметі.
Жаңа саябақтың жалпы ауданы - 0,44 гектар. 3 785 шаршы метр жаяу жүргіншілер жолы, 386 шаршы метр велосипед жолы бар.
Тұрғындар стадионды, балалар алаңын, стритворкаут алаңын пайдалана алады.
Саябаққа 150 ағаш пен 300 гүл көшеті отырғызылды. Келушілерге ыңғайлы болу үшін 30 орындық орнатылған, 224 шаршы метр болатын көлік тұрағы бар.