АСТАНА, 15 наурыз – Sputnik. "Қостанай-Тобыл" тасжолында ауа райының қолайсыздығынан бір мезетте үш бірдей жол апаты болды, деп хабарлады "Алау" порталы.
Жол апаттары 14 наурызда болды. Полиция департаменті баспасөз қызметінің мәліметінше, барлық жол апаты қашықтықты сақтамаудан болған. Бірнеше жолаушы ауруханаға жүгініп, амбулаториялық ем алды.
"14 наурызда сағат 21.30 шамасында Тобыл қаласындағы жол айналымында Toyota және Chevrolet көліктері соқтығысты, сосын Мерседес пен Ниссан соқтығысқан. Содан кейін Дэу Нексия, Audi және Reno автомобильдері жол апатына ұшырады. Бірнеше адам зардап шекті", - деп хабарлады ведомство.
Бұл фактілер бойынша процессуалдық шешім қабылданады.