АСТАНА, 8 ақпан - Sputnik. Екібастұзда мектеп оқушылары мен колледж студенттері оқу орындарындағы ауа температурасының төмендеуіне байланысты қашықтықтан оқытуға көшірілді, деп жазады Pavlodarnews.kz.
Балабақшалар кезекші топтарда жұмыс істейді.
ЖЭО-да жылу беру параметрлерінің төмендеуіне байланысты қала мектептері мен колледждеріндегі температура санитарлық нормаларға сәйкес келмейді.
Хабарланғандай, қалада жылу беру температурасын реттеу жұмыстары жалғасып жатыр. Стандартқа сәйкес ол 77/53°С (шығару орнында) болуы керек.
Бүгінде нақты көрсеткіші 64/45°С (шығару орнында). Бұл кезде сыртқы ауа температурасы -21°С-қа жетеді.