Израиль археологтары 4 000 жыл бұрынғы түйеқұс жұмыртқасын тапты

4000-7500 жыл бұрын пайда болған сирек кездесетін олжа Израильдің көне заттар басқармасының археологиялық қазба жұмыстары кезінде табылған. Ол Беэр-Милка ауылшаруашылық елді мекенінің жанында, ежелгі көшпенділердің тұрағында, Негев шөлінің оңтүстігінде табылды.

Мұнда сондай-ақ күйдірілген тастар, шақпақ тастар мен тастан жасалған құралдар, қыш ыдыстар табылған. Алайда пісірілген түйеқұс жұмыртқаларының коллекциясы археологтар үшін ерекше олжа болды.

Ғалымдар бұл жер құмды болғандықтан жұмыртқа ұзақ уақыт сақталған деп түсіндіреді. Бұл орайда жергілікті құрғақ климат та маңызды рөл атқарған.

1 / 6

Жұмыртқалар көшпенділер тұрағындағы от шұңқырының жанынан табылған. Жұмыртқалардың бірі от жағатын шұңқырда жатқан.

2 / 6

Мамандардың пікірінше, бұл факт жұмыртқалардың термиялық өңдеуден кейін тамақ ретінде пайдаланылғанын көрсетеді.

3 / 6

Бұл археологиядағы отқа жұмыртқа дайындаудың ең алғашқы фактісі.

4 / 6

Археологтар түйеқұс жұмыртқасынан басқа күйдірілген тастар, шақпақ тастарды және тас құралдар мен қыш ыдыстардың сынықтарын тапқан.

5 / 6

Ежелгі уақытта түйеқұс жұмыртқалары тек тамақ үшін ғана емес, зергерлік бұйымдар мен тұмарлар ретінде пайдаланылған. Олар сондай-ақ су құятын ыдыстың да рөлін атқарған.

6 / 6

Ғалымдардың айтуынша, түйеқұс 19 ғасырда жабайы табиғатта жойылып кеткенге дейін сол замандағы тұрғындар үшін күнкөрістің көзі болған. Жалпы түйеқұс жұмыртқасы әр кезеңдегі археологиялық орындарда табылып тұрған. Сол замандағы адамдар үшін түйеқұс шикізат пен азық-түлік көзі ретінде маңызды болған.