АСТАНА, 11 қаңтар — Sputnik. Мәжіліс депутаты Елнұр Бейсенбаевтың өкілеттігі мерзімінен бұрын тоқтатылды, деп хабарлайды Sputnik Қазақстан тілшісі.
Елнұр Бейсенбаев
© Sputnik / Владислав Воднев
Бүгін парламенттің төменгі палатасы депутаты Елнұр Бейсенбаевтың өкілеттігін мерзімінен бұрын тоқтату туралы қаулыны бірауыздан қабылдады.
Палата төрағасы Ерлан Қошанов оған алғыс білдіріп: "Алыс кетіп бара жатқан жоқ қой, кездесіп тұрамыз", - деді.
Айта кетері, Елнұр Бейсенбаев Amanat партиясының атқарушы хатшысы қызметіне тағайындалған болатын. Бұрынғы хатшы Асхат Оралов мәдениет және спорт министрі болды.