ТАЛДЫҚОРҒАН, 26 желтоқсан – Sputnik. Алматы облысының прокуратурасы экологиялық талаптарды бұзған бірнеше аудан мен Қонаев қаласының басшылығын жауапкершілікке тарту туралы ұсыныс енгізді.
Облыста 350-ден астам заңсыз үйінділер анықталды. Іле, Қарасай, Талғар және Еңбекшіқазақ аудандары қоқыс басқан аудандар "көшін бастап тұр"., Сондай-ақ облыс орталығы – Қонаев қаласы да үйінділерге толы. Бүгінгі таңда 247 полигон жойылды.
Алматы облысының прокуратурасы жергілікті атқарушы органдар тарапынан бақылау болмағандықтан, тұрмыстық қалдықтар ұзақ уақыт бойы жиналғанын атап өтті. Ластанған аумақ топырақтың ластануына және жалпы санитарлық жағдайдың нашарлауына әкеп соққан.
"Біздің ұсынысымыз бойынша экологтар Әкімшілік құқықбұзушылық туралы кодекстің 344-бабы 3-бөлігіне сәйкес, бірнеше аудан мен Қонаев қаласының басшылығы әкімшілік жауапкершілікке тартылды. Олардың әрқайсысына 100 АЕК ( 306 300 теңге) көлемінде айыппұл салынды , - деп хабарлады Алматы облысы прокуратурасының баспасөз қызметі.