АСТАНА, 3 желтоқсан – Sputnik. Алматы облысында қару-жарақ сақталған орын табылды.
2 желтоқсанда сағат 19:15 шамасында жедел-іздестіру шаралары барысында облыстық полиция департаменті Ұйымдасқан қылмысқа қарсы күрес басқармасы және ҰҚКД қызметкерлерімен бірлесіп, қару-жарақ қоймасын анықтады.
Талғар ауданы аумағында Алмалық ауылына жетпей, жолдың жанындағы бұталардың арасынан қытайлық жол сөмкесі табылған. Оның ішінен 7,62 мм калибрлі бір аңшы мылтығы, тегіс ұңғылы екі шолақ мылтық, пневматикалық тапанша, оқ-дәрі және 115 түрлі патрон тәркіленді.
Бұл факті Талғар ауданының полициясында тіркелді. Тергеу жүргізіліп, қажетті сараптамалар тағайындалды.