АСТАНА, 17 қараша – Sputnik. Таразда "Миссия Добро" халықаралық бағдарламасының гуманитарлық миссиясы аясында дөңгелек үстел өтті, оған ресейлік ерікті психологтар қатысты.
"Миссия Добро" бағдарламасының еріктілері әлеуметтік жобаларға қатысып жатыр
© Photo : Международная программа "Миссия Добро" Россия
Жоғарыда аталған бағдарламаның кураторы Анна Волкованың айтуынша, мақсат – ресейліктерді шетелдегі әлеуметтік маңызы бар жобаларға, сондай-ақ шетелдік еріктілерді Ресейдегі әлеуметтік жобаларға қатыстыру.
"Миссия Добро" бағдарламасының еріктілері әлеуметтік жобаларға қатысып жатыр
© Photo : Международная программа "Миссия Добро" Россия
"Бағдарлама волонтерлері халықаралық ынтымақтастықты дамытуға және елдер арасында тәжірибе алмасуға бағытталған әлеуметтік жобалар мен қайырымдылық шараларына қатысады. Бағдарламаға белгілі бір салада кәсіби дағдысы бар Ресей Федерациясының азаматтары: дәрігерлер, мұғалімдер, психологтар, заңгерлер тартылады", - деді Анна.
Ол өткен 2022 жылы бағдарламаны ұйымдастырушыларға гуманитарлық миссияны Беларусь, Қазақстан және Әзербайжанда өткізуге өтінім түскенін айтты.
"Миссия Добро" халықаралық бағдарламасының гуманитарлық миссиясы аясында Қазақстанға үш волонтер мен миссияның кураторы келді. Біздің алдымызда бірнеше міндетт тұр: психоневрологиялық статусы бар балалармен жұмыс істеудің практикалық тәжірибесін көрсету; Орталық мамандарымен, мектеп мұғалімдерімен, ата-аналармен сараптамалық-теориялық сабақтар өткізу (сараптамалық кеңес беру, тәжірибе алмасу)", - деді бағдарлама кураторы.
Ресейдің "Миссия Добро" бағдарламасы
© Photo : Международная программа "Миссия Добро" Россия
Кездесуге мектеп және Ақыл-ойы кем балаларды әлеуметтік бейімдеу орталығының басшылары, кәсіптік бағдар беру мамандары қатысты.