АСТАНА, 9 қараша – Sputnik. Жаркентте өңір басшысының бұрынғы резиденциясы ғимаратында балаларды оңалту орталығы ашылды, деп хабарлады Жетісу облыс әкімінің баспасөз қызметі.
Жаркентте өңір басшысының бұрынғы резиденциясы ғимаратында балаларды оңалту орталығы ашылды
© Photo
Осы жылдың наурыз айында Алматы облысының бұрынғы әкімі Қанат Бозымбаев нысанды балалардың игілігіне беруді тапсырды. Бүгін "Мерей" атты оңалту орталығының салтанатты ашылуы өтті.
Жаркентте өңір басшысының бұрынғы резиденциясы ғимаратында балаларды оңалту орталығы ашылды
© Photo
Резиденция 2013 жылы салынған. Ғимарат бір қабатты және екі корпустан тұрады. Оның жалпы ауданы 1 гектар жер телімін қоса алғанда 910 шаршы метрді құрайды.
"Оны қалпына келтіруге, жиһаз бен арнайы құрал-жабдықты алуға 80 миллион теңге бөлінді. Нысан 40 адамға есептелген. Мұнда Монтессори, физиотерапия, емдік дене жаттығулары мен түрлі массаж түрлеріне арналған бөлмелер бар. Сондай-ақ психолог, логопед, дефектолог, еңбекке баулу, гидромассаж кабинеті, тұз шахтасы және бассейн бар", - деді Жетісу әкімінің орынбасары Рүстем Әли.
Жаркентте өңір басшысының бұрынғы резиденциясы ғимаратында балаларды оңалту орталығы ашылды
© Photo
Әкімдіктегілер ерекше қажеттілігі бар балаларға арналған осындай оңалту орталықтары Алакөл, Сарқан, Қаратал аудандарында да жұмыс істейтінін айтты.