АСТАНА, 21 қазан – Sputnik. 11 қарашада "Хабар" телеарнасының эфирінде Қазақстан президенттігіне кандидаттардың сайлау алдындағы дебаты өтеді.
Бұл туралы жұма күні Орталық сайлау комиссиясының отырысында ОСК төрағасы Нұрлан Әбдіров мәлім етті.
Бүгін сағат 18.00-де мемлекет басшысы лауазымына кандидаттардың сайлауалды үгіт-насихат жұмыстары басталды.
Орталық сайлау комиссиясы президенттікке кандидат ретінде Қасым-Жомарт Тоқаевты, Мейрам Қажыкенді, Жигули Дайрабаевты, Нұрлан Әуесбаевты, Қарақат Әбденді, Салтанат Тұрысбекованы тіркеді.
Кезектен тыс президент сайлауы 20 қарашаға белгіленген.