АСТАНА, 2 қазан – Sputnik. Алматыда артынан соққы алған Subaru Legacy маркалы көлік аударылып кетті. Салонда бес адам болған, үшеуі – бала. Барлығы зардап шекті, деп хабарлайды Sputnik Қазақстан.
Жол апаты Наурызбай ауданында болған.
Subaru Legacy Алатау көшесімен келе жатқан. Сәбденов пен Ташкент көшелері арасындағы жаяу жүргіншілер өткеліне келгенде адам шығып қалады. Сол кезде жеңіл көліктің жүргізушісі тежегішті басады. Бірақ оның артында келе жатқан HOWO тоқтап үлгермеген.
Алатау көшесінде бетон таситын көлік пен жеңіл көлік соқтығысты
© Sputnik / Стрингер
Бетон таситын жүк көлігі қатты жылдамдықпен Subaru-ды артынан соқты. Жеңіл көлік айналып, аударылып кетті.
Жеңіл көліктің жүргізушісі мен төрт жолаушысы зардап шекті
© Sputnik / Стрингер
Subaru салонында бес адам болған. Үшеуі – бала. 2014 жылғы бір баланы дәрігерлер қарап, үйіне жіберді. Ал 6 және 4 жасар екі бала ересектермен бірге ауруханаға жатқызылды.